Mae Cynllun y Cyngor yn nodi’r blaenoriaethau ar gyfer Cyngor Sir y Fflint a’r pethau mawr y mae’r Cyngor yn bwriadu eu cyflawni dros gyfnod y Cynllun. Mae Cyngor Sir y Fflint yn ymfalchïo mewn bod yn Gyngor sy’n perfformio’n dda ar ran ei gymunedau lleol, ac un sy’n cael ei arwain a’i gymell gan gyfres o werthoedd cymdeithasol cadarn.

Mae Cyngor Sir y Fflint yn Gyngor sy’n cael ei lywodraethu’n dda ac yn flaengar ac mae’n parhau i berfformio’n dda fel darparwr uniongyrchol a chomisiynydd gwasanaethau cyhoeddus, ac fel partneriaid i eraill.

Mae’r Cynllun yn nodi blaenoriaethau lefel uchel y Cyngor ac mae’r blaenoriaethau hyn wedi’u dewis fel y meysydd lle gall y Cyngor ychwanegu’r gwerth mwyaf a gwneud gwahaniaeth cadarnhaol a pharhaol.