Os ydych chi wedi derbyn anfoneb, efallai ei fod yn ymwneud â gwasanaethau y gwnaethoch gais amdanynt gan y Cyngor. Mae’n rhaid i’r Cyngor godi tâl am y gwasanaeth a ddarparwyd ac mae’n gwneud hyn yn bennaf drwy anfoneb. Rhai enghreifftiau o wasanaethau y gallech wneud cais amdanynt ac y codir tâl yw:

• Llogi cyfleusterau Hamdden e.e. Neuaddau neu feysydd pêl droed
• Atgyweirio Tai
• Tâl llety a gofal am yr henoed

Fel arall, efallai y byddwch yn derbyn anfoneb i adfer arian/budd-daliadau nad oedd gennych hawl i’w derbyn, neu o ganlyniad i ofyniad deddfwriaethol neu gytundeb dan gontract. Dyma rai enghreifftiau pam y codir anfoneb:

• Casglu Sbwriel busnes a llogi biniau
• Gordalu cyflog
• Gordalu dyfarniadau grant
• Taliadau rhent masnachol
• Cerbydau wedi eu Gadael
• Taliadau archwiliad cynllunio
• Lesoedd a Thrwyddedau
• Aildaliadau eiddo tai

Ar-lein

Gallwch dalu ar-lein gyda'r rhan fwyaf o gardiau credyd a debyd, 24 awr y diwrnod

Cliciwch yma i dalu

Bancio dros y Rhyngrwyd / Ffôn

Gallwch dalu drwy fancio dros y ffôn neu’r rhyngrwyd. Dylech ddyfynnu manylion banc y Cyngor – Rhif Didoli 541010, Rhif Cyfrif 72521775 a dyfynnu eich Rhif Cwsmer a Rhif yr Anfoneb fel y’i gwelir ar eich anfoneb.

Archebion Sefydlog

Er mwyn trefnu i dalu eich anfoneb/cyfrif drwy archeb sefydlog mae angen i chi gysylltu gyda’r tîm Dyledwyr ar 01352 703607, fydd yn trefnu cynllun talu ar eich cyfer ac yn postio ffurflen atoch fydd angen ei llofnodi a’i dychwelyd.

Banc

Gallwch dalu ag arian parod neu siec mewn unrhyw fanc, ond efallai y codir tâl arnoch am y gwasanaeth hwn. Dylech ddyfynnu manylion banc y Cyngor – Rhif Didoli 541010, Rhif Cyfrif 72521775 yn ogystal â’ch Rhif Cwsmer a Rhif yr Anfoneb fel y dangosir ar eich anfoneb.

Drwy'r Post

Gallwch dderbyn sieciau drwy’r post. Rhowch rif cwsmer a rhif anfoneb ar gefn y siec a'i hanfon at Cashiers, Cyngor Sir y Fflint, Neuadd y Sir, Yr Wyddgrug, CH7 6NA.

Os ydych yn talu mwy nag un anfoneb gydag un siec, nodwch yn glir y swm sydd i’w dalu gyda’r rhifau cyfeirio perthnasol oddi ar yr anfonebau.

Swyddfeydd Sir y Fflint yn Cysylltu

Gall Swyddfeydd Sir y Fflint yn Cysylltu brosesu taliadau arian parod neu gerdyn

Cliciwch am leoliadau ac amseroedd agor

Mae Sir y Fflint yn annog talu yn llawn, ond pe baech chi’n cael problemau talu eich anfoneb, dywedwch wrthym ar unwaith er mwyn i ni roi cymorth a chyngor i chi ynglŷn â threfniadau rhandaliadau addas a dewisiadau talu eraill.

Gallai hyn gynnwys cwblhau ffurflen incwm a gwariant, gaiff ei hanfon unwaith y bydd eich amgylchiadau personol wedi eu hystyried. Cysylltwch â’r Tîm Dyledwyr ar 01352 703607.

Os ydych yn teimlo fod yr anfoneb a gawsoch yn anghywir, cysylltwch â ni ar unwaith. Mae manylion ble dylech gysylltu i’w gweld ar eich anfoneb ar yr ochr dde i’ch cyfeiriad. Gellir ymchwilio i anghydfod a datrys problemau gwirioneddol.

Gellir gwneud cais am gopïau o’r anfonebau dros y ffôn ac fe’u darperir mewn ychydig ddyddiau. Cysylltwch â’r Tîm Dyledwyr ar 01352 703607 neu drwy e-bostio

debtmanagement@flintshire.gov.uk

Os credwch eich bod wedi gordalu anfoneb cysylltwch â’r Tîm Dyledwyr ar 01352 703607 neu drwy e-bostio

debtmanagement@flintshire.gov.uk

Gwnewch yn siŵr fod manylion llawn taliadau gennych a bydd angen gwirio hyn yn erbyn ein cofnodion. Rhoddir ad-daliad yn enw’r unigolyn sydd wedi ei nodi ar yr anfoneb oni bai ein bod yn cael awdurdodiad drwy lofnod ganddyn nhw neu eu cynrychiolydd cyfreithiol.