Alert Section

Parth Buddsoddi Sir y Fflint a Wrecsam

Ardaloedd ledled y Deyrnas Unedig yw'r Parthau Buddsoddi, lle mae llywodraeth ganolog a lleol yn gweithio gyda phartneriaid lleol a busnes i greu'r cyflyrau ar gyfer buddsoddi ac arloesi.

Bydd Parth Buddsoddi Sir y Fflint a Wrecsam yn gwella sector gweithgynhyrchu uwch y rhanbarth.

Trosolwg o’r prosiect

Mae Sir y Fflint a Wrecsam eisoes yn gartref i weithrediadau gweithgynhyrchu gwerth uchel a safleoedd diwydiannol strategol.

Bydd y prosiect hwn yn adeiladu ar hyn drwy gynnig cyfuniad unigryw o gefnogaeth, seilwaith a chymhellion wedi'u targedu er mwyn denu a chynnal busnesau.

Mae disgwyl i'r Parth Buddsoddi lansio yn ddiweddarach eleni (2025) yn dilyn cymeradwyaeth derfynol gan lywodraethau Cymru a'r DU.

Mae'r canlynol yn debygol o fod yn feysydd ffocws:

Ymchwil ac arloesi

  • Datblygu lleoliadau gwaith ffatri dros dro i helpu busnesau newydd i ehangu eu llinellau cynhyrchu. 
  • Mwy o ymchwil i ddatrysiadau arloesol i helpu i ddiwallu anghenion busnes y dyfodol. 

Sgiliau 

  • Gwella cysylltiadau â phlant a phobl ifanc drwy feithrin llwybrau gyrfa arloesol i'r sector.
  • Gwella dysgu i helpu gweithwyr i fodloni gofynion sy’n datblygu’n gyflym o ran sgiliau technegol.

Seilwaith 

  • Datblygu cyfleusterau dysgu arbenigol arloesol i helpu i uwchsgilio'r gweithlu gweithgynhyrchu uwch.
  • Ail-lunio seilwaith trafnidiaeth i'w gwneud yn haws i bobl deithio i'r gwaith mewn safleoedd diwydiannol allweddol (gan gynnwys pobl sy'n byw mewn ardaloedd ag amddifadedd uchel).
  • Cyflymu datblygiad safleoedd ac adeiladau o ansawdd uchel yn barod ar gyfer buddsoddiad busnes. 

Cymorth i fusnesau

  • Creu gwasanaeth pwrpasol i helpu busnesau i lywio systemau rheoleiddio a chynyddu cyfleoedd cadwyn gyflenwi.
  • Darparu cyngor arbenigol i annog buddsoddiad mewn technolegau newydd.
  • Ymgysylltu â busnesau newydd a busnesau sy’n ehangu i'w helpu i dyfu.

Cynllunio a datblygu 

  • Cynnig un pwynt cyswllt ar gyfer ymholiadau busnes.
  • Helpu i gyflymu prosesau cynllunio.
  • Creu uwchgynlluniau uchelgeisiol o ansawdd da ar gyfer safleoedd allweddol i gyflymu datblygiad ac adeiladu hyder buddsoddwyr. 

Rhagor o wybodaeth

Uchelgais Gogledd Cymru: Parth Buddsoddi Sir y Fflint a Wrecsam (dolen allanol)

Cymorth i fusnesau presennol

Gwybodaeth am y cymorth cyffredinol rydym yn ei gynnig i unrhyw fusnesau sydd naill ai eisoes yn masnachu yn Sir y Fflint, neu sydd am adleoli i'r ardal.