Cyfeiriadur
Mae Aura yn gymdeithas er budd y gymuned sy’n gyfrifol am y mwyafrif o ganolfannau hamdden a llyfrgelloedd yn Sir y Fflint. Rydym ni’n rhoi budd i’r gymuned ac yn gwella ansawdd bywyd drwy ddarparu cyfleoedd diwylliannol, dysgu a hamdden sy’n gwella iechyd meddwl, lles corfforol a rhagolygon bywyd.
Ein nod yw ymestyn ein cynnig o ddysgu cymunedol drwy weithio gyda sefydliadau sydd o’r un anian â ni i ddarparu pecyn o gyrsiau Dysgu Oedolion yn y Gymuned sy’n seiliedig ar angen cymunedol ac arbenigedd penodol pob partner. Ein nod yw darparu cyfleoedd newydd er mwyn i bobl gael mynediad i ddysgu a chyfleoedd gwirfoddoli i ddatblygu eu cyflogadwyedd a’u sgiliau.
Mae ein partneriaid yn cynnwys:
Gyda’n gilydd byddwn yn cynnig ystod eang o ddarpariaeth achrededig a heb ei achredu ar draws y sir – yn ein hadeiladau cymunedol, mannau awyr agored, parciau lleol, ysgolion cynradd ac ar-lein. Wedi’u hariannu’n llawn gan y grant Dysgu Oedolion yn y Gymuned, mae’r cyrsiau ar gael i unrhyw un 19 oed a hŷn a fyddai’n hoffi dysgu sgil newydd, ennill cymhwyster neu wella eu lles corfforol a meddyliol.
Mae Ymddiriedolaeth Gymunedol Glannau Dyfrdwy yn sefydliad elusennol sy’n gweithio ar draws Sir y Fflint i ddarparu cyfleoedd newydd i bobl gael mynediad at ddysgu a chwaraeon. Drwy gyfleuster cymunedol Tŷ Calon (cyfleuster newydd sbon gwerth miliynau o bunnau yn Queensferry) rydym ni’n falch o weithio gyda Chyngor Sir y Fflint i gynnig amrywiaeth o gyrsiau Dysgu Cymunedol i Oedolion wedi’u hariannu.
Mae ein darpariaeth yn cynnwys:
- Cyrsiau achrededig i’ch helpu chi i gael gwaith neu’ch cefnogi chi i newid gyrfa
- Cyrsiau creadigol a lles i’r rheiny sydd eisiau dysgu sgil newydd neu fagu hyder a hunan-barch
- Gweithgareddau corfforol, yn cynnwys chwaraeon, ffitrwydd, dawns, sgiliau treftadaeth a garddio
Rydym ni’n falch iawn o weithio gyda sefydliadau fel Groundwork Gogledd Cymru, Prifysgol Glyndŵr, Coleg Cambria, Art and Soul Tribe, Theatr Clwyd, The Bold Type, Gweithdy Dinbych, Making Maestros, Sue Beesley Coaching a The Little Learning Company i gynnig cyrsiau gwych i chi, ac rydym ni’n croesawu eich syniadau o ran yr hyn yr hoffech chi ei weld gennym ni nesaf.
Mae Groundwork Gogledd Cymru yn cefnogi pobl sy’n wynebu nifer o heriau, sy’n byw ar eu pen eu hunain, sydd â phroblemau iechyd sylweddol, rhagolygon gwaith cyfyngedig a phobl sy’n ddiamddiffyn i ansicrwydd economaidd ac amgylcheddol y gymdeithas heddiw. Rydym ni’n gwneud hyn drwy greu lleoedd gwell, gwella rhagolygon pobl a hyrwyddo dewisiadau gwyrddach trwy ein hamrywiaeth o brosiectau a gwasanaethau.
Mae Hyfforddiant Groundwork yn falch o weithio gyda Chyngor Sir y Fflint a Chyngor Bwrdeistref Sirol Wrecsam, yn ogystal â phartneriaeth ehangach Dysgu Cymunedol i Oedolion Gogledd Ddwyrain Cymru i ddarparu cyrsiau Dysgu Cymunedol i Oedolion. Mae ein darpariaeth yn cynnwys:
- Cefnogi pobl i gymryd y cam cyntaf i ddysgu
- Darparu sgiliau oes a chyflwyno sgiliau sylfaenol
- Darparu cyrsiau cyflogadwyedd a chyflogaeth
- Darparu cyfleoedd dysgu i’r teulu
- Amrywiaeth o gyrsiau blas ac ymgysylltu
Byddwn yn gweithio gydag amrywiaeth o ddarparwyr hyfforddiant i ddarparu cyrsiau a sesiynau ar draws Wrecsam a Sir y Fflint, ac rydym ni’n croesawu eich syniadau o ran cyrsiau a sesiynau sy’n diwallu anghenion pobl leol.