Newyddion Diweddaraf Cyngor Sir Y Fflint

Sir y Fflint yn Cysylltu â Chymunedau! 

Published: 19/11/2024

Mae Cyngor Sir y Fflint yn estyn allan ac yn cysylltu â phobl i ddysgu sut maen nhw’n meddwl y gellir defnyddio Canolfannau Cyswllt i fodloni eu hanghenion eu hunain ac anghenion pobl eraill yn ein cymunedau lleol.   

Mae Canolfannau Cyswllt wedi’u lleoli yng nghanol trefi ac yn darparu cefnogaeth wyneb yn wyneb ar amrywiaeth o wasanaethau’r Cyngor, mae’r tîm hefyd yn darparu cefnogaeth ddigidol i’r rheini sydd ei angen.   Mae rhai Canolfannau yn rhannu gofod gyda gwasanaethau cyhoeddus eraill megis Heddlu Gogledd Cymru a’r Ganolfan Waith.  Ceir rhagor o wybodaeth am Sir y Fflint yn Cysylltu ar wefan y Cyngor.  

Meddai Linda Thomas, Aelod Cabinet Gwasanaethau Corfforaethol: 

“Rydym ni’n gwybod bod Canolfannau Cyswllt yn cael eu gwerthfawrogi’n fawr gan y bobl sy’n eu defnyddio, yn enwedig y rhai sydd yn cael trafferth mynd ar-lein neu ddefnyddio gwasanaethau'r Cyngor dros y ffôn.   Fodd bynnag, ers pandemig Covid-19, nid oes cymaint o bobl yn defnyddio’r Canolfannau, ac fe hoffem glywed pam gan gynifer o bobl â phosibl.  

Nid oes ots a ydych chi eisoes yn defnyddio Canolfan Gyswllt neu os nad ydych chi erioed wedi bod tu mewn, mae eich barn yn bwysig i ni a bydd yn helpu i ni lunio ein hadolygiad.” 

Mae pobl sydd yn defnyddio Facebook yn debygol o weld dolen i’r arolwg dros yr wythnosau nesaf.   Os nad ydych chi’n defnyddio Facebook neu os ydych chi wedi methu’r ddolen, gallwch lenwi’r arolwg ar-lein isod.   Gall pobl nad ydynt yn gallu llenwi’r arolwg ar-lein fynd i unrhyw un o’r Canolfannau Cyswllt lle bydd modd cael cefnogaeth.   Mae Canolfannau Cyswllt ar agor rhwng 9am a 4.30pm ar y diwrnodau canlynol: 

• Bwcle:  Dydd Mawrth, dydd Mercher, dydd Iau 
• Cei Connah, Y Fflint a Threffynnon: Dydd Llun i ddydd Gwener 
• Yr Wyddgrug:  Dydd Llun, dydd Mercher, dydd Gwener

Pan fydd pob ymateb wedi cael ei ystyried a phenderfyniadau wedi cael eu gwneud, bydd y canlyniadau’n cael eu cyhoeddi ar wefan y Cyngor. 

Mae’r arolwg ar agor rhwng dydd Llun 18 Tachwedd a dydd Sul 15 Rhagfyr 2024. 

Cyswllt arolwg: https://www.siryfflint.gov.uk/cy/Resident/Consultation-and-Engagement/Open/Flintshire-Connects.aspx