Newyddion Diweddaraf Cyngor Sir Y Fflint

Enwogion ydw i - ewch â fi allan o'r ysgol goedwig!

Published: 24/11/2021

Mwynhaodd disgyblion y dosbarth derbyn yn Ysgol Gwynedd, y Fflint eu fersiwn eu hunain o “I’m a Celebrity” yn ddiweddar yn eu hardal ysgol goedwig.

Mae'r ysgol goedwig wedi bod yn rhan reolaidd o ddysgu ers nifer o flynyddoedd ac wedi'i datblygu'n barhaus fel y gall disgyblion fwynhau treulio diwrnod cyfan yn yr awyr agored.  Ffocws yr wythnosau nesaf yw heriau o fath “I’m a Celebrity” gydag ychwanegiadau gan gynnwys creu toiled “dunny” brys, canopi tywydd gwlyb, gorsaf siocled poeth, gorsaf golchi dwylo a thân ar gyfer diwrnodau oer.

Arweinir y gweithgareddau gan athro a chymhorthydd addysgu ysgol goedwig profiadol. Ariannwyd hyn yn rhannol gan grant maint dosbarth Llywodraeth Cymru ac mae’n ffordd greadigol o wneud maint grwpiau llai wrth ddatblygu sgiliau disgyblion yn yr awyr agored.

Meddai Arweinydd Cyngor Sir y Fflint ac Aelod Cabinet Addysg ac Ieuenctid, y Cynghorydd Ian Roberts:

“Rwy’n cefnogi’r cyfle dysgu awyr agored hwn yn llwyr sy’n cefnogi ein pobl ifanc i ddatblygu a chydgrynhoi sgiliau y byddant yn eu defnyddio yng nghwricwlwm newydd Cymru.  Mae hefyd yn eu hail-ymgysylltu ar ôl i'r ysgol gau yn ystod Covid.

“Mae'r ysgol hefyd yn manteisio ar yr hyfforddiant dysgu awyr agored a ddarperir gan Gyfoeth Naturiol Cymru yr hanner tymor hwn ac maent yn awyddus i barhau i ehangu eu profiadau dysgu yn yr awyr agored." 

Defnyddir yr ysgol goedwig ar y cyd gan Ysgol Gwynedd ac Ysgol Pen Coch ac mae'r disgyblion yn chwarae ac yn dysgu ochr yn ochr â'i gilydd. Yn ystod y dydd, mae grwpiau o ddisgyblion o'r grwpiau blwyddyn ysgol eraill yn dod i ddysgu yn yr ardal ac yn cydweithredu â disgyblion y dosbarth derbyn, gan fodelu iaith, gwaith tîm a sgiliau eraill yn naturiol. 

Meddai’r Pennaeth yn Ysgol Gwynedd, Dewi Wyn Hughes:

“Rydyn ni'n cynnal heriau â thema, fel yr un gyfredol, er bod disgyblion yn cael eu hannog i gynhyrchu eu syniadau eu hunain.  Yn ddiweddar, treuliodd un grwp bythefnos yn ymchwilio i wyau deinosor a'r wythnos diwethaf, fe ddaethon nhw o hyd i ddraenog ac ysgogodd hynny fwy o gyfleoedd dysgu.

“Mae rhieni’n gefnogol iawn ac mae disgyblion bellach yn hyderus ac wrth eu bodd yn dysgu a chwarae yn yr awyr agored. Rydym yn awyddus i rannu arfer da ac yn agored i wahodd athrawon o ysgolion eraill i weld y safle. Rydym hefyd yn gobeithio cynnal prosiect dysgu cymunedol i oedolion ar gyfer rhieni ar ddysgu awyr agored 'Wellies in the woods'.”