Newyddion Diweddaraf Cyngor Sir Y Fflint

Cefnogi’r Ymgyrch Rhuban Gwyn

Published: 25/11/2016

Mae sefydliadau ledled Sir y Fflint wedi dod at ei gilydd i gynnal igwyddiadau drwy gydol yr wythnos hon i ddangos eu cefnogaeth i Ymgyrch Rhyngwladol y Rhuban Gwyn. Mae aelodau Cyngor Sir y Fflint, swyddogion, trigolion lleol, asiantaethau partner, gweithwyr adeiladu ac aelodau gwasanaeth Tân ac Achub ymhlith llawer sydd wedi bod yn gwisgo rhubanau gwyn i hyrwyddo ymwybyddiaeth or ymgyrch, syn anelu at ddileu pob math o drais yn erbyn menywod. Ymunodd aelodau Cyngor Sir y Fflint ag asiantaethau partner gan gynnwys Uned Diogelwch Cam-drin Domestig), BAWSO (syn darparu gwasanaethau arbenigol i bobl o gefndiroedd Du a Lleiafrifoedd Ethnig), Age Concern, Wales & West Housing Association, Cymorth CAHA i Fenywod, Hafan Cymru, Heddlu Gogledd Cymru ac Iechyd yng Ngorsaf Dân Queensferry heddiw, dydd Gwener 25 Tachwedd i nodi Diwrnod Rhuban Gwyn a Diwrnod Rhyngwladol Dileu Trais yn erbyn Menywod. Roedd digwyddiad yn gynharach yn yr wythnos a gynhaliwyd yng Ngholeg Glannau Dyfrdwy yn anelu at hyrwyddor ymgyrch ymysg pobl ifanc a chodi ymwybyddiaeth o gam-drin domestig a gwasanaethau cefnogi trais rhywiol sydd ar gael. Dywedodd y Cynghorydd Kevin Jones, yr Aelod Cabinet dros Warchod y Cyhoedd: “Fel cyngor rydym yn llwyr gefnogi’r achos hwn. Mae siarad â phobl ifanc ac esbonior materion yn un or ffyrdd o gael y neges allan yno. Mae gwisgo rhuban gwyn yn ffordd wych arall i ddangos cefnogaeth. Dywedodd y Cynghorydd Bernie Attridge, Dirprwy Arweinydd Cyngor Sir y Fflint, a Llysgennad yr Ymgyrch Rhuban Gwyn ar gyfer Sir y Fflint: “Yn 2014, daeth Sir y Fflint yr Awdurdod Lleol cyntaf yng Ngogledd Cymru i dderbyn Gwobr Tref y Rhuban Gwyn i Gynghorau. Mae hyn yn dangos ein hymrwymiad i roi terfyn ar drais yn erbyn menywod, a hefyd ein cefnogaeth i ymgyrch Rhyngwladol y Rhuban Gwyn. Mae trais yn erbyn menywod yn gwbl annerbyniol a byddwn yn gwneud popeth y gallwn i godi ymwybyddiaeth am y mater.” Dywedodd Jackie Goundrey, Cydlynydd Cam-drin Domestig a Thrais Rhywiol Cyngor Sir y Fflint: “Maer Cenhedloedd Unedig yn cydnabod 25 Tachwedd yn swyddogol fel Diwrnod Rhyngwladol ar Ddiddymu Trais yn erbyn Menywod. Maer Rhuban Gwyn yn symbol o obaith am fyd lle gall merched a genethod fywn rhydd o ofni trais. Mae gwisgor rhuban yn ymwneud â herio derbynioldeb trais - drwy gael dynion i gymryd rhan, gan helpu menywod i dorrir distawrwydd, ac annog pawb i ddod at ei gilydd i adeiladu byd gwell i bawb.” Dywedodd Anne Hinchey, Prif Weithredwr dros Tai Wales & West: Rydym yn llwyr gefnogi’r ymgyrch Rhuban Gwyn i helpu i roi terfyn ar drais yn y cartref. Drwy gydweithio gyda sefydliadau eraill gallwn gael effaith ar godi ymwybyddiaeth or hyn sy’n mynd ymlaen y tu ôl i ddrysau caeedig.