Mae hyn yn cael ei alw yn bleidlais drwy ddirprwy ac mae’r unigolyn sy’n pleidleisio ar eich rhan yn aml yn cael ei alw yn ddirprwy.   Os nad yw’r unigolyn y gallwch ymddiried ynddo yn gallu cyrraedd yr orsaf bleidleisio, gallant ymgeisio i bleidleisio ar eich rhan drwy’r post.   Gelwir hyn yn bleidlais drwy ddirprwy drwy’r post.

Lawrlwythwch y ffurflenni cais i gael pleidlais drwy ddirprwy ar wefan y comisiwn etholiadoldolen allanol

Ar ôl i chi lenwi’r ffurflen hon bydd angen i chi ei hargraffu a’i dychwelyd atom i’r cyfeiriad canlynol:

Gwasanaethau Etholiadol,
Cyngor Sir y Fflint,
Neuadd y Sir,
Yr Wyddgrug
CH7 6NR

Os nad oes gennych beiriant argraffu, yna gallwch e-bostio cofrestr@siryfflint.gov.uk i ofyn i ni bostio ffurflen gais atoch.

Gallwch lenwi a dychwelyd y ffurflen hon ar unrhyw adeg, ond y dyddiad cau ar gyfer derbyn eich ffurflen gais yw 5pm, 6 diwrnod gwaith cyn y diwrnod pleidleisio. Mewn rhai amgylchiadau, pan fo argyfwng sy'n golygu na allwch fynd i'r orsaf bleidleisio'n bersonol, gallwch wneud cais am bleidlais drwy ddirprwy mewn argyfwng hyd at 5pm ar y diwrnod pleidleisio.

Os ydych yn dewis pleidleisio drwy ddirprwy, yna bydd yn rhaid i’r unigolyn yr ydych wedi ymddiried ynddynt i bleidleisio ar eich rhan fynd â’u prawf adnabod â llun eu hunain.  Os nad oes ganddynt brawf adnabod â llun yna ni fyddant yn cael y papur pleidleisio.

Os nad yw eich dirprwy yn mynd i fod gartref ar ddiwrnod yr etholiad, yna gallant wneud cais i'w papur pleidleisio drwy ddirprwy gael ei bostio atynt.  Y dyddiad cau ar gyfer ymgeisio am bleidlais drwy’r post yw 5pm, 11 diwrnod gwaith cyn y diwrnod pleidleisio.

Darganfod sut i bleidleisio drwy ddirprwy dolen allanol

Deddf Etholiadau 2022 - Newidiadau y byddwch yn eu gweld i bleidleisio drwy ddirprwy

Byddwch yn gallu gwneud cais am bleidlais drwy'r post ar gyfer etholiadau Seneddol ac etholiadau Comisiynwyr yr Heddlu a Throsedd YN UNIG drwy system ar-lein newydd llywodraeth ganolog https://www.gov.uk/gwneud-cais-pleidlais-drwy-ddirprwy

Bydd yn rhaid i etholwyr sy’n gwneud cais am bleidlais drwy’r post ar gyfer y ddau fath hyn o etholiad gadarnhau eu hunaniaeth gan ddefnyddio cofnodion yr Adran Gwaith a Phensiynau, a hynny wrth wneud cais ar-lein ond hefyd wrth lenwi cais papur.

Ar gyfer etholiadau Seneddol ac etholiadau Comisiynwyr yr Heddlu a Throsedd bydd newidiadau i'r terfyn ar faint o bobl y caiff pleidleisiwr fod yn ddirprwy ar eu cyfer. Ar hyn o bryd gall unigolyn weithredu fel dirprwy ar gyfer nifer diderfyn o berthnasau agos a dau etholwr arall. O dan y rheolau newydd ar gyfer y mathau hyn o etholiad, byddai pleidleiswyr yn cael eu cyfyngu i weithredu fel dirprwy ar gyfer pedwar o bobl, a dim ond dau ohonynt sy'n cael bod yn etholwyr domestig sy'n byw yn y DU waeth beth fo'u perthynas (neu uchafswm o 4 o bobl, lle mae 2 unigolyn yn byw yn y DU a 2 unigolyn wedi'u cofrestru fel rhai sy'n byw dramor).

Ar gyfer etholiadau'r Senedd ac etholiadau Llywodraeth Leol nid oes unrhyw newid i'r rheolau cyfredol h.y., cewch fod yn ddirprwy i ddim mwy na dau etholwr, ac eithrio lle maent yn ŵr neu'n wraig, yn bartner sifil, yn rhiant, yn nain neu'n daid, yn frawd, yn chwaer, yn blentyn neu'n ŵyr/wyres i’r etholwr.

Pryd fydd y newid hwn yn dod i rym?

Mae’r newidiadau hyn yn dechrau ar 31 Hydref 2023.

Yn achos etholwyr sydd â dirprwy wedi'i benodi cyn 31 Hydref 2023:

Bydd angen i bob etholwr presennol (domestig a thramor) sydd â threfniant dirprwy ar waith cyn 31 Hydref 2023 wneud cais newydd erbyn 31 Ionawr 2024.  Bydd y tîm etholiadau yn cysylltu â chi ac yn rhoi digon o rybudd a chymorth i chi ddiweddaru eich trefniadau.

Am fwy o wybodaeth ynglŷn â newidiadau i bleidleisio drwy ddirprwy