Ymgynghori ar y Gyllideb 2025/26 - dweud eich dweud!

Strategaeth Rheoli Gwybodaeth a Data

Beth yw’r Strategaeth Rheoli Gwybodaeth a Data?

Mae’n gosod map a fydd yn galluogi penderfyniadau ar sail data i gefnogi moderneiddio a gwella gwasanaethau.

Mae Rheoli Gwybodaeth a Data yn thema allweddol yn ein Strategaeth Ddigidol Sir y Fflint a bydd y strategaeth hon yn tanategu’r blaenoriaethau yno.

Pam ei fod yn bwysig?

Gall trefniadau da o ran rheoli gwybodaeth a data roi mewnwelediad i ni a’n helpu i allu cynnig gwasanaethau gwell sy’n fwy ymatebol ac wedi’u teilwra tuag at anghenion unigol y cwsmeriaid ar draws Sir y Fflint.

Mae’r strategaeth yn benodol uchelgeisiol, ac rydym yn gwybod y bydd y gweithgareddau cysylltiedig yn cymryd amser ond yn cydnabod os yw gwybodaeth a data yn cael eu rheoli’n dda, gall arwain at amrywiaeth o fanteision i gwsmeriaid, gweithwyr a’r cyngor.

Ein Nodau

Byddwn yn trin gwybodaeth a data fel ased corfforaethol allweddol i gefnogi gwneud penderfyniadau gwell a'r defnydd gorau o adnoddau.
Byddwn yn defnyddio gwybodaeth a data’n fwy effeithiol ac arloesol i gyflawni gwasanaeth gwell, di-dor gyda chanlyniadau gwell.
I bobl a sefydliadau gael hyder llwyr y bydd eu gwybodaeth a’u data'n cael eu trin yn gyfrifol, yn ddiogel ac yn foesegol, yn unol â deddfwriaeth briodol ac arfer gorau’r diwydiant
Gwella'r gwasanaethau a ddarperir i gwsmeriaid drwy weithio gyda’n gilydd a sicrhau y defnyddir ein gwybodaeth a'n data’n effeithiol, mewn ffordd drefnus a diogel a'u bod yn cyrraedd y sawl sydd eu hangen

Sut fyddwn ni’n gwneud hyn?

Cwsmeriaid

Byddwn yn gweithio gyda gwasanaethau i’w cynorthwyo i:

barhau i ddatblygu gwasanaethau sy’n hygyrch yn Gymraeg ac yn Saesneg.
gweithio i sicrhau bod gwybodaeth a data yn gywir, dibynadwy a hygyrch.
sicrhau tryloywder ac atebolrwydd i gynyddu hyder cwsmeriaid bod eu gwybodaeth yn ddiogel ac yn cael ei ddefnyddio’r briodol.
parhau i gynyddu mynediad digidol i wasanaethau a chefnogaeth ar adeg sy’n gyfleus i’r cwsmer.
darparu gwasanaeth cyflym ac effeithiol i gwsmeriaid trwy wneud y defnydd gorau o wybodaeth a data a chydweithio pellach rhwng gwasanaethau.

Gwasanaethau’r Cyngor

Byddwn yn helpu ein gwasanaethau i:

fod yn ymatebol i ddisgwyliadau cwsmeriaid sy’n newid
gwella rheolaeth data a gwybodaeth i ddylunio a darparu gwasanaethau o ansawdd uchel ac sy’n rhoi gwerth am arian.
dangos bod gwybodaeth a data’n cael eu cadw’n ddiogel a’u defnyddio’n gyfrifol, yn unol â’r gyfraith, safonau diwydiant ac arfer gorau.
cynyddu tryloywder ac atebolrwydd yn y modd rydym yn dylunio a rhedeg gwasanaethau.
gweithio’n fwy effeithiol gyda’n partneriaid i ddarparu dull mwy cydlynol.

Gweithwyr

Byddwn yn parhau i weithio i:

cynorthwyo gweithwyr i wneud eu gwaith yn effeithiol trwy gynyddu mynediad at wybodaeth a data i gefnogi gwell canlyniadau i gwsmeriaid.
cefnogi gwasanaethau i weithio’n fwy effeithiol a hyderus mewn cydweithrediad â phartneriaid a gwasanaethau eraill.
sicrhau fod gwybodaeth a data’n cael eu hail-ddefnyddio a’u rhannu’n fwy effeithiol, gostwng dyblygu a hyrwyddo gwasanaethau’n fwy effeithlon.
sefydlu dealltwriaeth glir o’r cyfrifoldebau sy’n ymwneud â chasglu, storio, rhannu, gwaredu a chadw data.
cynyddu hyder gwasanaethau o ran cydymffurfiaeth â chyfrifoldebau cyfreithiol.

Ein llwyddiant hyd yma:

Rydym wedi gweithredu proses ceisiadau a thaliadau digidol syml ar gyfer Talebau Gofal Plant.
Bu i ni gefnogi ein cwsmeriaid mwy bregus yn ystod yr argyfwng COVID trwy ymuno data ar draws ein systemau digidol.
Rydym wedi gwneud cynnydd sylweddol i ddarparu data un ffynhonnell cyfeiriad safonedig, syml sy’n tanategu a hwyluso nifer o’n gwasanaethau.
Rydym wedi creu system ac adnoddau cysylltiedig eraill i’n galluogi ni i ymateb yn effeithiol i geisiadau hawl i wybodaeth.

Ein camau nesaf:

deall yn glir yr wybodaeth a’r data sydd gennym, eu gwerth a’r swyddogaethau a chyfrifoldebau corfforaethol sy’n gysylltiedig â’u rheolaeth.
sicrhau bod ein gwybodaeth a data yn cael eu safoni i hwyluso rhannu ac ailddefnyddio trwy ddylunio systemau diogel a hygyrch.
croesawu technolegau newydd a rhai sy’n dod i’r amlwg.
parhau i ddarparu hyfforddiant priodol i weithwyr.
gweithio gyda phartneriaid i ddatblygu gwasanaethau ‘o’r dechrau i’r diwedd’ sy’n canolbwyntio ar y cwsmer.
mabwysiadu egwyddorion ‘Dywedwch Wrthym Unwaith’ i gyfyngu ar sawl gwaith y bydd angen i gwsmeriaid roi’r un wybodaeth i ni.

Cefnogi Ein Cyfrifoldebau Cyfreithiol a Strategaethau Eraill

Mae’n hanfodol bod y gwaith rydym yn ei wneud a’r gwelliannau rydym yn eu cynllunio yn cyd-fynd yn briodol â’r cyfeiriad strategol sydd wedi cael ei osod yn genedlaethol, rhanbarthol a lleol.

Cefnogi Ein Cyfrifoldebau Cyfreithiol a Strategaethau Eraill Darganfod mwy

Y Weledigaeth

Rydym eisiau newid canfyddiad a rôl gwybodaeth a data ar draws y sefydliad, gan eu cydnabod fel adnodd corfforaethol allweddol ac ased sy’n gallu ein cefnogi wrth wella gwasanaethau a chanlyniadau ar gyfer ein cwsmeriaid a’n gweithwyr.

Y Weledigaeth Darganfod mwy

Os fyddwn yn gwneud hyn yn iawn, sut fydd yn edrych?

Pan mae gwybodaeth a data’n cael eu rheoli’n dda ac yn cael eu cydnabod fel ased corfforaethol allweddol, gallant ddarparu ystod o fuddion i gwsmeriaid, gweithwyr a’r Cyngor a’i bartneriaid yn ehangach.

Os fyddwn yn gwneud hyn yn iawn, sut fydd yn edrych? Darganfod mwy

Cyflawni’r Strategaeth

Mae’r Strategaeth yn fwriadol uchelgeisiol, ac rydym yn cydnabod y bydd gweithgareddau cysylltiedig yn cymryd amser, rydym felly wedi gosod map ffordd realistig a chynyddol ar gyfer newid.

Cyflawni’r Strategaeth Darganfod mwy

Cynllunio Adnoddau i Gefnogi Darpariaeth

Rydym wedi datblygu cynllun gweithredu manwl i gyd-fynd â’r Strategaeth sy’n seiliedig ar 4 ffrwd waith.

Cynllunio Adnoddau i Gefnogi Darpariaeth Darganfod mwy

Llywodraethu

Mae Rheoli Gwybodaeth a Data yn ffrwd waith allweddol yn Strategaeth Ddigidol y Cyngor ac felly bydd gofyniad i adrodd ar y cynnydd yn erbyn darpariaeth y Strategaeth hon i’r Bwrdd Strategaeth Digidol.

Llywodraethu Darganfod mwy