Amserlen ar gyfer derbyniadau i ysgolion

Gallwch ddewis cynifer o ysgolion ag y dymunwch. Gall y cais gynnwys ysgolion y tu allan i Sir y Fflint a byddwn yn hysbysu’r Cyngor perthnasol o’ch cais. (Fodd bynnag mae Gorllewin Swydd Caer a Chyngor Caer yn gofyn i chi ddefnyddio eu ffurflenni cais nhw ar gyfer ysgolion yn eu hardal)

Os ydych chi'n cynnwys ysgol enwadol (Eglwys) neu ysgol sefydledig ar eich cais, bydd yn cael ei anfon ymlaen at yr ysgol berthnasol gan nad Sir y Fflint yw'r awdurdod derbyn ar gyfer yr ysgolion hyn.

Ein bwriad bob tro yw dyrannu’ch dewis cyntaf i chi ond os ydym yn derbyn mwy o geisiadau na nifer y lleoedd sydd ar gael, byddwn yn troi at y meini prawf gordanysgrifio ac os nad ydych yn bodloni'r meini prawf hynny, gallwn ystyried eich ail ddewis ac yn y blaen nes y gallwn gynnig lle i'ch plentyn. Os ydych wedi nodi un ysgol yn unig, dim ond yr ysgol honno allwn ni ei hystyried. Sylwch na fydd rhestru’r un ysgol fwy nag unwaith yn rhoi gwell siawns i chi o gael lle yn yr ysgol honno.

Dim ond os ydych yn byw yn Sir y Fflint neu os yw’ch plentyn yn mynychu ysgol gynradd yn Sir y Fflint y dylech lenwi ffurflen gais Sir y Fflint. Fel arall gwnewch gais i’ch Cyngor eich hun – er enghraifft, os ydych chi’n byw yn Sir Ddinbych, gwnewch gais i Gyngor Sir Ddinbych oni bai bod eich plentyn yn mynychu ysgol yn Sir y Fflint.

Mae'r holl ddewisiadau yn cael eu prosesu a byddwn yn cynnig lle sydd ar gael yn yr ysgol sydd uchaf ar eich rhestr o ddewisiadau.

Felly, os yw eich dewis cyntaf yn aflwyddiannus, caiff eich ail ddewis ei ystyried fel dewis cyntaf yn gyfartal â dewisiadau cyntaf eraill ar gyfer yr ysgol honno ac yn y blaen nes y byddwn yn gallu cynnig lle i'ch plentyn mewn ysgol.

Gallwn roi enw'ch plentyn ar restr aros, gallwch dderbyn lle mewn ysgol arall sydd â lle i'ch plentyn ac mae gennych hawl i apelio.

Mae’n rhaid i'ch cais ddod i law erbyn y dyddiad cau neu fel arall bydd yn cael ei ystyried ar ôl y rhai a dderbyniwyd ar amser.

Mae'r dyddiad a'r amser yn cael ei nodi ar geisiadau ar-lein wrth iddynt gael eu derbyn.

Gellir ei ganfod yn ein Canllaw i'r Gwasanaethau Addysg ac maent wedi'u rhestru isod.

Bydd pob disgybl yn cael ei dderbyn os nad yw'r Nifer Derbyn wedi ei gyrraedd. Fodd bynnag, os yw'r Nifer Derbyn wedi ei gyrraedd, bydd ceisiadau yn cael eu hystyried yn erbyn y meini prawf gordanysgrifio, a restrir yn nhrefn blaenoriaeth.

Meini Prawf Gordanysgrifio

Meini prawf i’w defnyddio gan yr Awdurdod Lleol, yn ôl trefn blaenoriaeth, ar gyfer derbyniadau i Ysgolion Meithrin, Cynradd ac Uwchradd:

• Plant sy'n Derbyn Gofal (plant mewn gofal) a phlant oedd yn arfer derbyn gofal
• disgyblion lle mai’r ysgol a ffefrir yw'r ysgol briodol agosaf i'w cyfeiriad cartref
• c) disgyblion fydd â brawd neu chwaer yn mynychu’r ysgol a ffefrir ar y dyddiad derbyn disgwyliedig. Dim ond ar gyfer y cyfnod addysg statudol, h.y. hyd at Flwyddyn 11, y defnyddir y 'rheol brawd a chwaer'
• disgyblion sydd wedi dewis ysgol wahanol i’r ysgol agosaf i’w cyfeiriad cartref. Ystyrir pellter cartrefi disgyblion o’r ysgol arall honno wrth dderbyn disgyblion, a hynny hyd at y Nifer Derbyn

Gwneud y Penderfyniad

Os oes mwy o ymgeiswyr nag o lefydd yn unrhyw un o’r categorïau uchod, rhoddir blaenoriaeth i ymgeiswyr sy’n byw agosaf i’r ysgol, gyda’r pellter wedi’i fesur o gyfeiriad cartref y plentyn i brif fynedfa gydnabyddedig yr ysgol.

Os nad yw’r awdurdod yn gallu diwallu dewis(iadau) rhiant, gofynnir i’r rhiant ystyried llefydd sydd ar gael mewn ysgolion eraill.

Lle enwir ysgol mewn Datganiad o Anghenion Addysgol Arbennig, mae ar yr awdurdod lleol ddyletswydd i dderbyn y plentyn i’r ysgol honno.

Diffinnir brawd neu chwaer fel brawd neu chwaer gyflawn, hanner brawd neu chwaer, llys frawd neu chwaer, brawd neu chwaer sydd wedi'u maethu neu eu mabwysiadu sy'n byw gyda'i gilydd mewn un aelwyd yn yr un cyfeiriad a lle bo'r brawd neu'r chwaer hŷn o oedran ysgol statudol h.y. Blwyddyn Derbyn i Flwyddyn 11, ac wedi'i gofrestru/chofrestru yn yr ysgol a ddewiswyd pan fydd y plentyn iau yn gymwys i fynychu.

Ni fydd brodyr a chwiorydd sy'n mynd i Flwyddyn 12/13 pan fydd y plentyn iau yn dechrau ym Mlwyddyn 7 yn cael eu hystyried o dan y rheol brawd a chwaer.

Caiff pob cais ei ystyried ar ôl y dyddiad cau nid yn ôl y dyddiad derbyn.

Mae'r amser a roddir i rieni, tua 8 wythnos, wedi'i roi er mwyn iddynt allu ystyried eu dewisiadau yn ofalus.

MEITHRIN: Byddwch yn cael gwybod trwy e-bost ar y dyddiad cynnig sef 6 Mai 2025 ac ni fydd unrhyw fanylion yn cael eu rhoi cyn y dyddiad hwnnw.

DERBYN: Byddwch yn cael gwybod ar y dyddiad cynnig sef 16 Ebrill 2025 ac ni fydd unrhyw fanylion yn cael ei roi cyn y dyddiad hwnnw.

UWCHRADD: Byddwch yn cael gwybod trwy e-bost ar y dyddiad cynnig sef 3 Mawrth 2025 ac ni fydd unrhyw fanylion yn cael eu rhoi cyn y dyddiad hwnnw.

Mae'r polisi trafnidiaeth i'w weld yma. Darllenwch y meini prawf cymhwysedd cyn gwneud cais.

Os oes gennych gwestiwn yn ymwneud â chludiant ysgol e-bostiwch school.transport@flintshire.gov.uk

Cyn belled â bod manylion unrhyw newidiadau i'ch dewisiadau yn cael eu darparu erbyn diwedd y cyfnod dyrannu (Gweler amserlen derbyniadau i ysgolion yn y Canllaw i Wasanaethau Addysg) byddwn yn gwneud y newidiadau ar eich rhan. Fodd bynnag, nodwch os cyflwynir y newid cyn y dyddiad cau, bydd y newidiadau'n cael eu gweithredu a'u marcio ar amser.

Os cânt eu cyflwyno ar ôl y dyddiad cau ond cyn diwedd y cyfnod dyrannu, caiff y newidiadau eu gweithredu ond cânt eu nodi fel rhai hwyr.

Rhaid cyflwyno'r newidiadau hyn trwy ein e-ffurflen.

Cyn belled â bod prawf o’ch symud tŷ yn cael ei ddarparu erbyn diwedd y cyfnod dyrannu (Gweler amserlen derbyniadau i ysgolion yn y Canllaw i Wasanaethau Addysg) byddwn yn gwneud y newid ar eich rhan.

Rhaid cyflwyno'r newidiadau hyn trwy ein e-ffurflen.