Neidio i'r prif gynnwys Logo Cyngor Sir y Fflint

Alert Section

Gerbyd Wedi'i Adael

Beth all gael ei ystyried fel cerbyd sydd wedi ei adael?

  • Nid oes ganddo geidwad cofrestredig.
  • Mae wedi ei ddifrodi, wedi llosgi, wedi ei fandaleiddio, wedi dirywio neu os nad yw’n addas i’r ffordd fawr.
  • Mae’r rhif cofrestru ar goll.
  • Mae wedi bod yn llonydd ers amser sylweddol ar dir, yn yr awyr agored neu ar ffyrdd (gan gynnwys tir a ffyrdd preifat).
  • Gall carafán neu drelar hefyd gael ei ystyried fel cerbyd wedi ei adael.

Beth nad yw’n cael ei ystyried fel cerbyd wedi ei adael?

  • Os yw’r car wedi ei drethu fe all barcio’n gyfreithlon ar briffordd. Gallwch wirio os yw car wedi ei drethu gyda’r DVLA.
  • Os ydych yn credu ei fod yn achosi rhwystr/wedi ei barcio’n beryglus, rhowch wybod i Heddlu Gogledd Cymru drwy ffonio’r rhif nad yw’n rhif argyfwng sef 101, gan ddweud yn glir fod y cerbyd yn achosi rhwystr/wedi ei barcio’n beryglus.
  • Os yw’n hysbys pwy yw ceidwad y cerbyd ac nad yw wedi ei drethu neu os yw’r cerbyd ar Hysbysiad Oddi ar y Ffordd Statudol ond ei fod wedi i adael ar y briffordd, yna byddai angen rhoi gwybod i’r DVLA am hyn.

Rhoi gwybod am gerbyd wedi ei adael

Rhowch gymaint o wybodaeth â phosibl am y cerbyd, gan gynnwys:

  • rhif cofrestru / gwneuthuriad / model
  • am ba hyd mae wedi ei adael yno
  • lleoliad
  • unrhyw luniau/fideos

Rhoi gwybod am gerbyd wedi ei adael

Beth fydd yn digwydd nesaf

Os yw’r swyddog yn ystyried fod y cerbyd o bosibl wedi ei adael, yna bydd y manylion cofrestru yn cael eu gwirio a bydd manylion y ceidwad cofrestredig hysbys olaf yn cael ei roi i ni.

Byddwn yn ceisio cysylltu â’r ceidwad hysbys olaf trwy lythyr a byddwn yn gosod rhybudd ar y cerbyd yn dweud y byddwn yn ei symud wedi i gyfnod o amser fynd heibio.

Os nad yw’r sawl sy’n berchen ar y cerbyd yn cysylltu â ni yna fe allwn ei symud wedi i gyfnod y rhybudd ddod i ben. Os caiff y cerbyd ei symud neu os yw’r ceidwad cofrestredig yn ei hawlio yn ystod y cyfnod hwn yna ni fydd unrhyw gamau pellach yn cael eu cymryd.

Mae gennym ni ddyletswydd gyfreithiol i sicrhau ein bod yn gwneud pob ymdrech i geisio cysylltu â cheidwad cyfreithlon posibl y cerbyd.

Os yw cerbyd mewn cyflwr lle gallai gael ei ystyried yn beryglus ar briffordd neu os nad yw’n ddiogel ac y gallai olygu perygl i iechyd a diogelwch yna fe allai gael ei symud heb rybudd.

Os yw’r cerbyd ar dir preifat yna bydd angen i’r swyddog siarad gyda pherchennog y tir.