Yr un peth ydi arloesi a Chyngor Sir y Fflint yn y pendraw.

Yma yn Sir y Fflint rydym ni wedi ymrwymo i ddarparu gwasanaethau lleol i bobl leol a gweithio’n agos gyda chymunedau, partneriaid, busnesau a gweithwyr er mwyn darparu amrywiaeth o wasanaethau newydd, arloesol a chynaliadwy.

Ers degawd a mwy mae Cyngor Sir y Fflint, fel pob cyngor arall yn y Deyrnas Unedig, wedi bod yn rheoli goblygiadau’r gostyngiadau blynyddol yng nghyllid Llywodraeth Cymru a’r DU.

Hyd yn oed yn ystod y caledi presennol, mae’r Cyngor yn parhau i fod yn uchelgeisiol. 

• Rhaglen Tai ac Adfywio Strategol
• Moderneiddio Ysgolion
• Gofal Ychwanegol yn cefnogi byw'n annibynnol
• Cartref gofal Marleyfield House
• Amddiffyn gwasanaethau lleol gwerthfawr megis Hamdden a Llyfrgelloedd Aura and Theatr Clwyd
• Strategaeth Adfer COVID-19

Mae Cyngor Sir y Fflint yn darparu gwasanaethau cyhoeddus lleol ar gyfer 156,100 o bobl sy’n byw ar 69,729 o aelwydydd.

Rydym yn cyflogi 6,113 aelod o staff, sy’n golygu mai’r Cyngor yw’r ail gyflogwr mwyaf yn y Sir, ac mae’r gwasanaethau a ddarparwn yn cynnwys, addysg, tai, hamdden, llyfrgelloedd, cynllunio, casglu sbwriel, iechyd yr amgylchedd, ailgylchu, ffyrdd, gwasanaethau cymdeithasol, safonau masnach, trafnidiaeth a thwristiaeth.

Mae 78 o ysgolion yn Sir y Fflint (64 o rai Cynradd, 11 Uwchradd, 2 Arbenigol, 1 Uned Cyfeirio Disgyblion, ac mae 23,716 o ddisgyblion yn mynd iddynt.

Mae’r gwasanaethau cymdeithasol yn rhoi cymorth i fwy na 5000 o oedolion a 2000 o blant bob blwyddyn.

Mae gan Gyngor Sir y Fflint, saith llyfrgell, deg o ganolfannau chwaraeon a hamdden (wyth ohonynt dan reolaeth Aura Cymru a dwy wedi’u trosglwyddo fel Asedau Cymunedol), tri o barciau gwledig, ffermydd sirol ac mae’n cynnal 1174.8 km o ffyrdd.

Mae Tai ac Asedau yn rheoli ac yn cynnal a chadw oddeutu 7312 o eiddo y mae’r cyngor yn berchen arnynt, gan gynnwys 1460 o eiddo gwarchod.

Mae Sir y Fflint yn un o 22 awdurdod unedol yng Nghymru, a’r un mwyaf o ran poblogaeth yng ngogledd Cymru, a’r chweched drwy Gymru. Mae Sir y Fflint yn aelod gweithgar o Gymdeithas Llywodraeth Leol Cymru ac mae nifer o’n huwch-swyddogion ac aelodau etholedig mewn swyddi amlwg yn genedlaethol wrth weithio mewn cenedl ddatganoledig. 

Sir y Fflint sy’n arwain neu’n cyd-arwain nifer o strategaethau a gwasanaethau cydweithredol yn y rhanbarth, gan gynnwys gwasanaethau awtistiaeth, gwasanaethau i’r rhai hynny sydd mewn perygl o gam-drin domestig, diogelwch cymunedol, cynllunio at argyfwng, cynllunio mwynau a gwastraff, twf economaidd a thrin a gwaredu gwastraff.

Mae pobl yn ystyried y Cyngor i fod yn gydweithiwr cadarnhaol sy’n agored i weithio mewn partneriaeth er mwyn sicrhau gwerth i’r cyhoedd.

Mae gan Gyngor Sir y Fflint 70 o Gynghorwyr sy’n cael eu hethol yn ddemocrataidd bob pum mlynedd.  Mae’n cael ei redeg gan weinyddiaeth lafur leiafrifol gyda chyfansoddiad gwleidyddol fel a ganlyn: Llafur 34, Y Gynghrair Annibynnol 16, Ceidwadwyr 6, Y Democratiaid Rhyddfrydol 5, Annibynwyr Newydd 4, Annibynwyr 3, ac 1 aelod heb eu halino. Mae gennym un lle gwag ar hyn o bryd.

Mae gan y Cyngor Gabinet a phwyllgorau Craffu.  Y Cabinet sydd fel arfer yn penderfynu ar bob mater, gan gynnwys materion polisi o bwys.  Swyddogaeth y Pwyllgorau Trosolwg a Chraffu yw dwyn y Cabinet i gyfrif a chynorthwyo i wella a datblygu polisïau a gwasanaethau’r Cyngor.  Mae gan Sir y Fflint chwech o Bwyllgorau Trosolwg a Chraffu, sef:

• Adnoddau Corfforaethol
• y Gymuned, Tai ac Asedau
• Addysg, Ieuenctid a Diwylliant
• yr Amgylchedd a’r Economi
• Chymdeithasol a Gofal Iechyd

I gael mwy o wybodaeth am y trefniadau llywodraethu, dilynwch y ddolen gyswllt: https://siryfflint.gov.uk/cy/Resident/Council-and-Democracy/Home.aspx

Yn ddiweddar mae’r Cyngor wedi adolygu ac ail-gyhoeddi Cynllun y Cyngor.  Trwy symleiddio ac ailosod ei flaenoriaethau, mae’r Cynllun yn darparu cyfeiriad clir ar gyfer nodau’r Cyngor yn y dyfodol a’r gwaith sydd angen ei wneud er mwyn i hynny ddigwydd.  

Fel sefydliad cyhoeddus mae’r Cyngor yn cael archwiliadau rheolaidd i archwilio a herio ei berfformiad a'i effeithiolrwydd.

Derbyniodd y Cyngor Grynodeb Archwilio Blynyddol ffafriol gan Archwilio Cymru ym mis Medi 2020. “Ardystiodd yr Archwilydd Cyffredinol fod y Cyngor wedi diwallu ei ddyletswyddau cyfreithiol ar gyfer cynllunio gwelliannau ac adrodd ar welliannau a chredir ei bod yn debygol y bydd yn diwallu gofynion Mesur Llywodraeth Leol (Cymru) 2009 yn ystod 2020/21.”

Mae llythyr blynyddol cadarnhaol gan Arolygiaeth Gofal Cymru yn adlewyrchu ein perfformiad cryf trwy gydol 2019/20. 

Yn ei adroddiad archwilio ym mis Mehefin 2019 roedd Estyn, sef Arolygiaeth Addysg a Hyfforddiant annibynnol Cymru, yn cydnabod y cynnydd da sy’n cael ei wneud gan y gwasanaeth addysg yn Sir y Fflint.   "Mae uwch swyddogion ac aelodau etholedig yn rhannu gweledigaeth glir ar gyfer addysg yn Sir y Fflint, ac maent yn mynegi hynny’n glir yn nghynlluniau strategol yr awdurdod lleol. Mae’r awdurdod yn gweithio’n dda mewn partneriaeth ar draws meysydd gwasanaeth, gydag ysgolion a gyda darparwyr allanol. Mae hyn yn cyfrannu’n dda at wella cefnogaeth i ddysgwyr agored i niwed yn arbennig."

Nid yn unig fod y Cyngor yn cymharu’n dda â’i gymheiriaid, ond mae ei gyflawniadau cystal â llawer o gwmnïau eraill yn y sector cyhoeddus.  Mae hyn yn cael ei gydnabod gan nifer o wobrau cenedlaethol, sy’n cynnwys addysg, gwasanaeth cymdeithasol, tai a phortffolios eraill er enghraifft:

• Gwobrau Gwasanaeth Cymdeithas Rhagoriaeth Mewn Gwasanaeth Cyhoeddus 2020 – Y Fenter Gweithio ar y Cyd Orau - cyrraedd y rownd derfynol
• Gwobr Aur – Cynllun Cydnabod Cyflogwyr y Weinyddiaeth Amddiffyn
• Sefydliad Cynllunio Trefi Brenhinol Cymru – Gwobr Rhagoriaeth Cynllunio 2018
• Gwobrau Olivier 2019 – Home, I'm Darling – Comedi Newydd Gorau
• Gwobrau Prentisiad Cymdeithas Rhagoriaeth Mewn Gwasanaeth Cyhoeddus 2019 – 3 yn cyrraedd y rownd derfynol ac 1 yn fuddugol
• Medal Dysgwyr 2019 – Eisteddfod yr Urdd Caerdydd a’r Fro
• Gwobrau CIPD Cymru 2018 – Y Fenter Newid Orau – cyrraedd y rownd derfynol

Mae gan Sir y Fflint hanes hir a balch o weithio mewn partneriaeth.

Mae Bwrdd Gwasanaethau Cyhoeddus Sir y Fflint (BGC) yn greiddiol i'r gwaith o hybu diwylliant cadarnhaol o gydweithio ac mae'n canolbwyntio ei egni, ymdrech ac adnoddau ar ddarparu gwasanaethau effeithiol ac effeithlon i gymunedau lleol.

Partneriaeth rhwng y Cyngor, y Bwrdd Iechyd a Chyngor Gwirfoddol Lleol Sir Y Fflint yw Compact y Sector Gwirfoddol. Ei nod yw sicrhau fod y gwasanaethau cyhoeddus yn deall rôl y sector gwirfoddol yn iawn, a sicrhau y manteisir yn llawn ar gyfleoedd i weithio mewn partneriaeth.

Mae Sir y Fflint yn bartner blaenllaw mewn nifer o bartneriaethau rhanbarthol gan gynnwys Bwrdd Uchelgais Economaidd Gogledd Cymru sy’n ddylanwadol iawn.

Rydym yn gwesteio nifer o wasanaethau cydweithredol rhanbarthol gan gynnwys:

• Prosiect Trin Gwastraff Gweddilliol Gogledd Cymru
• Gwasanaeth Cynllunio At Argyfwng Rhanbarthol – cynghorau gogledd Cymru
• Gwasanaeth Cynllunio Mwynau a Gwastraff Gogledd Cymru
• Gwasanaeth Profi, Olrhain a Diogelu Gogledd Cymru
• Strategaeth Anabledd Dysgu Gogledd Cymru
• Gwasanaeth Awtistiaeth Integredig Gogledd Cymru (gwesteio ar y cyd â BIP Betsi Cadwaladr)

Rydym yn ymgysylltu’n llawn ag amrywiaeth o gyrff proffesiynol cenedlaethol megis:

• Cymdeithas Llywodraeth Leol Cymru
• Cymdeithas Prif Weithredwyr yr Awdurdodau Lleol
• Cymdeithas Cyfarwyddwyr Addysg Cymru
• Cymdeithas Cyfarwyddwyr Gwasanaethau Cymdeithasol