Datblygodd Cyngor Sir y Fflint, â chymorth Bwrdd Iechyd Prifysgol Betsi Cadwaladr, Strategaeth Dementia ar gyfer Sir y Fflint yn 2020.

Cyhoeddwyd crynodeb diweddaru ym mis Tachwedd 2021 ac mae ar gael yma.

Mae Strategaeth Sir y Fflint yn cyd-fynd â Strategaeth Dementia Gogledd Cymru ac yn adlewyrchu anghenion a blaenoriaethau lleol. Mae'r strategaeth yn cefnogi datblygiad cymunedau cefnogol. gwella bywydau pobl sy’n byw gyda dementia, a’u gofalwyr a’u teuluoedd.

Mae chwe sir Gogledd Cymru hefyd yn cydweithio i fodloni Llwybr Safonau Gofal Dementia Cymru Gyfan a ddatblygwyd yn ddiweddar.

I gael rhagor o wybodaeth am y safonau hyn, defnyddiwch y ddolen ganlynol: Llwybr Safonau Gofal Dementia Cymru Gyfan.

NHS Cymru

Os oes gennych unrhyw bryderon am eich iechyd, neu iechyd aelod o'r teulu, dylech siarad â'ch meddyg teulu.

Mae gwefan GIG Cymru hefyd yn cynnwys gwybodaeth ddefnyddiol am ddementia.

---

Cyngor Sir y Fflint

Tîm Cyswllt Cyntaf - Un Pwynt Mynediad 

Drwy ffonio un rhif bydd modd i chi siarad â rhywun am wasanaethau iechyd, lles a gofal cymunedol.  Bydd modd i chi gael gwybodaeth, cyngor, cymorth, asesiad a gofal cydlynol drwy ffonio’r rhif hwn. 

Os yw’n well gennych, bydd hefyd modd i chi gael gwybodaeth a chysylltu drwy’r wefan a thrwy e-bost.  P’run ai ydych yn cysylltu mewn perthynas â’ch hun, unigolyn yr ydych yn gofalu amdano neu rywun yr ydych yn pryderu amdano, bydd Un Pwynt Mynediad yno i wrando ac i’ch cynorthwyo. 

Os nad yw Un Pwynt Mynediad yn gallu eich helpu’n uniongyrchol, byddant yn eich cyfeirio at rywun a fydd yn gallu (18+) a’r gwasanaethau sydd ar gael yn y sector statudol a’r trydydd sector. 

Gwasanaethau Cymdeithasol Oedolion - Un Pwynt Mynediad
Preswylfa, Ffordd Hendy, Yr Wyddgrug, CH7 1PZ.

Ffôn: 03000 858858

E-bost: spoa@siryfflint.gov.uk

Sut ydw i'n gallu cael mynediad i ofal a chymorth?

---

Sir y Fflint yn Cysylltu

Mae Sir y Fflint yn Cysylltu yn dod a Chyngor Sir y Fflint, Heddlue Gogledd Cymru, y Ganolfan Waith a mwy a sefydliadau partner eraill ynghyd, i ddarparu gwasanaethu o safon uchel sy'n canolbwyntio ar y cwsmer i'r cyhoedd ac unigolion diamddiffyn yn ein cymuned sy'n ei chael hi'n anodd cael mynediad at wasanaethu ar-lein neu ar y ffon. 

Yn Sir y Fflint yn Cysylltu, gallwch siarad ag un o'n Ymgynghorwyr Gwasanaethu Cwsmeriaid hyfforddedig am ystod o wasanaethau'r cyngor.

Mae canolfannau Sir y Fflint yn Cysylltu yng Bwcle, Nghei Connah, Y Fflint, Treffynnon, a'r Wyddgrug.

---

Canolfan Ddementia Sir y Fflint

I gefnogi pobl sydd wedi cael diagnosis o ddementia yn ddiweddar, mae llwybr cefnogaeth wedi’i gyflwyno ledled Gogledd Cymru. Mae hyn yn cynnwys Canolfan Ddementia newydd ym Maes Glas, Sir y Fflint.

Mae’r Ganolfan Ddementia’n cael ei gweithredu gan Wasanaethau Gofal Croesffyrdd Ymddiriedolaeth Gofalwyr Gogledd Cymru mewn partneriaeth â’r Awdurdod Lleol a’r Bwrdd Iechyd. Mae’r ganolfan yn rhoi cefnogaeth, gwybodaeth a chyngor i bobl sy’n byw â dementia a’u gofalwyr a’u teuluoedd. Mae’r ganolfan hefyd yn cynnig clinigau iechyd a grwpiau cefnogi cyfoedion. 

I gael rhagor o wybodaeth am Ganolfan Ddementia Sir y Fflint, ffoniwch Ymddiriedolaeth y Gofalwyr ar 01492 542212.

---

Diogelu Oedolion

Pan fo’n ymddangos bod oedolyn yn profi, neu mewn perygl o brofi camdriniaeth neu esgeulustod, mae gan y cyngor gyfrifoldeb cyfreithiol i ymgymryd ag ymholiadau i benderfynu p’run ai yw hynny’n wir ac i lunio ymateb i sicrhau bod yr oedolyn yn cael ei ddiogelu. 

Gall staff a’r cyhoedd gysylltu â’r Gwasanaethau Cymdeithasol am gyngor, neu fe allwch ffonio 999 i gysylltu â’r Heddlu’n uniongyrchol os ydych chi’n credu bod trosedd wedi’i chyflawni neu bod rhywun mewn perygl brys.  

Gwasanaethau Cymdeithasol: 01352 803444 neu Heddlu Gogledd Cymru ar 101. 

Os ydych yn pryderu bod person oedrannus yn cael ei gam-drin, ffoniwch llinell gymorth Action on Elder Abuse ar 0808 808 8141 neu Age Connects Gogledd Ddwyrain Cymru ar 08450 549969.

Pan fydd y swyddfeydd ar gau, cysylltwch â'r Heddlu ar 101 neu mewn argyfwng ffoniwch 999.

---

Cymdeithas Alzheimer's Cymru

Dewch i wybod mwy am Gymdeithas Alzheimer’s Cymru a chael mynediad at adnoddau am ddementia yn y Gymraeg. 

---

Prosiect Ymgysylltu a Grymuso Dementia (DEEP)

Rhagor o wybodaeth am rwydwaith Prosiect Ymgysylltu a Grymuso Dementia (DEEP) a’r grwpiau a’r gweithgareddau lleol sy’n cael eu cefnogi gan DEEP yn Sir y Fflint.

---

Dewis Cymru

Mae Dewis Cymru yn wefan sydd wedi’i datblygu i helpu pobl ganfod gwybodaeth am sefydliadau a gwasanaethau a all eu helpu i reoli eu lles eu hunain.

Mae yno wybodaeth a all eich helpu i feddwl am yr hyn sydd yn bwysig i chi, mae hefyd gwybodaeth am bobl a gwasanaethau yn eich ardal a all eich helpu gyda’r pethau sydd yn bwysig i chi. 

---

Mae Pŵer mewn Gwybodaeth

Awgrymiadau defnyddiol a allai helpu gwneud bywyd ychydig yn haws ar ôl cael diagnosis o ddementia.

Ysgrifennwyd y llyfryn yma gan bobl sy’n byw gyda dementia, ar gyfer poblsy’n byw gyda dementia. 

---

Comisiynydd Pobl Hŷn Cymru

Mae Comisiynydd Pobl Hŷn Cymru’n gwarchod ac yn hybu hawliau pobl hŷn ledled Cymru, gan graffu a dylanwadu ar amrywiaeth eang o bolisïau ac arferion i wella eu bywydau.

Mae’n darparu help a chefnogaeth yn uniongyrchol i bobl hŷn drwy ei thîm gwaith achosion ac mae’n gweithio i rymuso pobl hŷn i sicrhau bod eu llais yn cael ei glywed ac y gweithredir yn ei gylch.

Mae rôl y Comisiynydd yn seiliedig ar gyfres o bwerau cyfreithiol unigryw i’w chefnogi gydag adolygu gwaith cyrff cyhoeddus a’u dal yn atebol pan fo angen.

---

Teleofal

Mae’r gwasanaeth yn darparu ystod o offer Teleofal sydd yn cefnogi annibyniaeth.  Gellir cysylltu offer Teleofal â gwasanaeth monitro 24 awr neu â system ffôn symudol neu system rybuddio gofalwr. Beth bynnag yw’ch sefyllfa, gallwch alw am gymorth.

Mae’r offer Teleofal ar gael i unrhyw un sy’n byw yn Sir y Fflint ac sy’n teimlo y gallai wneud gwahaniaeth i’w bywydau yn dilyn asesiad o anghenion.

Gofynnir am un taliad o £25 + TAW am osod yr offer.Os hoffech i ni gysylltu eich offer teleofal â chanolfan fonitro Galw Gofal, codir tâl monitro o £2.20 + TAW yr wythnos.

Am fwy o wybodaeth cysylltwch 03000 858858 neu ebost: spoa@siryfflint.gov.uk  

---

Which? ‘Later Life Care’

Cyngor annibynnol, ymarferol a rhad ac am ddim ar wneud dewisiadau gofal ar draws y DU. 

Os ydych yn gofalu am rywun sy’n methu gofalu amdanyn nhw eu hunain oherwydd salwch, anabledd, neu effeithiau heneiddio a’ch bod yn rhoi gofal sylweddol, di-dâl i’r person hwnnw, felly rydych yn Ofalwr.

Gwasanaethau i’ch helpu chi gyda’ch cyfrifoldebau gofalu:

• Rhoi cyngor a gwybodaeth i chi
• Eich cyfeirio at gyrff gwirfoddol sy’n gallu rhoi grantiau a chymorth i ofalwyr
• Cymorth gyda’r gwaith garddio, glanhau neu i brynu offer
• Rhoi seibiant i chi
• Ailasesu’r cymorth a gaiff y person rydych chi’n gofalu amdano i wneud yn siŵr bod eich anghenion chi’n cael sylw.

Er bod modd trefnu rhai gwasanaethau’n uniongyrchol gyda chorff gwirfoddol, gyda gwasanaethau eraill, mae’n rhaid cynnal asesiad i weld beth yw’ch anghenion a pha wasanaethau sydd ar gael i’ch helpu.

---

Gwasanaethau ar gyfer Gofalwyr yn Sir y Fflint

Mae’n dangos peth o’r help sydd ar gael i ofalwyr di-dâl. Gofalwr yw unrhyw un sy’n gofalu am aelod o’r teulu neu ffrind sydd ddim yn gallu ymdopi heb y gefnogaeth hon oherwydd salwch hirdymor, anabledd, problem iechyd meddwl neu ddibyniaeth ar sylweddau.

Ffoniwch NEWCIS ar 01352 752525 am ragor wybodaeth.

---

Canllawiau Hanfodol i Ofalwyr

Mae’r ddogfen hon yn cynnwys manylion am wasanaethau defnyddiol a gwybodaeth am Asesiadau Gofalwyr a sut i gael mynediad atynt.   

---

Cefnogi Gofalwyr sy’n Gofalu am Rywun â Dementia 

Mae Ymddiriedolaeth Gofalwyr Cymru wedi cyhoeddi Gofalu am rywun â dementia: Canllaw i deuluoedd a ffrindiau, sef adnodd cynhwysfawr sy’n cyfuno gwybodaeth ymarferol a chyfarwyddyd emosiynol sydd eu hangen ar ofalwyr i gefnogi eu llesiant eu hunain.

---

Cerdyn Argyfwng Gofalwyr – Y Groes Goch Brydeinig

Cyflwynir Cardiau Argyfwng Gofalwyr i ofalwyr er mwyn tawelu eu meddyliau ac er mwyn iddynt wybod, pe bai rhywbeth yn digwydd iddynt, y bydd yr unigolion y maent yn gofalu amdanynt yn derbyn gofal. 

Mae’n gerdyn bychan o faint delfrydol i’w roi mewn pwrs neu waled ac fe allwch ysgrifennu rhifau cyswllt yr unigolion y dylid cysylltu â nhw mewn perthynas â’r unigolyn sy'n derbyn gofal pe bai argyfwng yn digwydd. 

Ffôn: 01745 828330

---

Gostyngiadau i Ofalwyr

Mae llawer o gynigion, budd-daliadau a gostyngiadau ar gael i ofalwyr a phobl ag anghenion gofal. 

Mae llawer o atyniadau yn cynnig mynediad am ddim i ofalwyr os ydynt yn bresennol gyda’r unigolion y maent yn gofalu amdanynt – yn cynnwys yr Ymddiriedolaeth Genedlaethol, Sŵ Gaer a’r Sinema. 

Bydd rhaid i chi gyflwyno prawf o anabledd (Lwfans Byw i'r Anabl / Taliad Annibyniaeth Bersonol / Bathodyn Glas) i gael y gostyngiad. 

Mae Cyngor Sir y Fflint wedi cefnogi datblygiad saith Cymuned sy’n Deall Dementia yn rhan o gynllun Cymunedau sy’n Deall Dementia y Gymdeithas Alzheimer’s.

Daeth y Gymdeithas Alzheimer’s â’r cynllun hwn i ben ym mis Rhagfyr 2023. 

Mewn ymateb i hyn, bu Bwrdd Partneriaeth Rhanbarthol Gogledd Cymru’n gweithio’n agos â Chynghorau Gwirfoddol Sirol, Awdurdodau Lleol, y Bwrdd Iechyd a phartneriaid penodol eraill i ddatblygu a sefydlu Cynllun Cymunedau sy’n Gyfeillgar i Ddementia Gogledd Cymru. Cafodd y cynllun newydd ei lansio ar 1 Ionawr 2024.

Mae Cymunedau sy’n Deall Dementia yn cefnogi unigolion sy’n byw â dementia, eu ffrindiau, eu teulu a’u gofalwyr drwy godi ymwybyddiaeth o ddementia i wella dealltwriaeth pobl a lleihau’r stigma. Maen nhw’n grymuso unigolion sy’n byw â dementia i barhau i fod yn rhan o’u cymunedau, gan leihau arwahanrwydd ac unigrwydd.

Gall pawb wneud rhywbeth er mwyn gwneud eu cymuned yn fwy cyfeillgar i ddementia ac mae Bwrdd Partneriaeth Rhanbarthol Gogledd Cymru’n angerddol am gefnogi cymunedau ar eu siwrnai i fod yn rhai sy’n deall dementia.

Mae’r Cymunedau sy’n Deall Dementia yn Sir y Fflint wedi dod yn aelodau o gynllun newydd Gogledd Cymru. Y cymunedau hyn yw:

• Tudalen Facebook Cymuned Cyfeillgar i Ddementia y Fflint
• Tudalen Facebook Cymuned Cyfeillgar i Ddementia Bwcle
• Tudalen Facebook Cymuned Cyfeillgar i Ddementia Yr Wyddgrug
• Tudalen Facebook Cymuned Cyfeillgar i Ddementia Glannau Dyfrdwy
• Tudalen Facebook  Cymuned Cyfeillgar i Ddementia ac Oed Treffynnon
• Cymuned Cyfeillgar i Ddementia Saltney
• Cymuned Cyfeillgar i Ddementia Pentrefi Alyn

Cydnabuwyd y Sefydliadau, Busnesau ac Ysgolion a ganlyn yn Gyfeillgar i Ddementia dan y cynllun gwreiddiol. Bydd y sefydliadau sy'n dal i weithredu yn cael eu cynnwys i barhau i ddarparu cyfleusterau a gweithgareddau sy'n ystyriol o ddementia.

Yr Wyddgrug

Bwcle

Y Fflint

---

Dementia yn Ffrindly/Oedran Ffrindlt Caffi Cymundol

Cyfarfod cymdeithasol lle gall pobl sydd wedi colli cof a'u gofalwyr, neu unrhyw un a hoffai gysylltu â ffrindiau newydd, ddod at ei gilydd mewn amgylchedd diogel a chefnogol. Gall gwesteion rannu sgyrsiau dros baned mewn awyrgylch hamddenol sydd weithiau'n cynnwys cerddoriaeth, celf neu fathau eraill o adloniant.

Calendr Digwyddiadau NEWCIS

Sir y Fflint sy'n Gyfeillgar i Oed

Mae Strategaeth ar gyfer Cymdeithas sy’n Heneiddio Llywodraeth Cymru yn nodi datblygiad cymunedau sy'n gyfeillgar i oed fel thema drawsbynciol sydd â’r nod o “wneud Cymru y lle gorau yn y byd i dyfu’n hŷn”.

Mae Awdurdodau Lleol ar draws Cymru yn cael eu hannog i weithio gyda chymunedau a phartneriaid er mwyn cynyddu pa mor gyfeillgar yw cymunedau i oedran ac i ymuno â Rhwydwaith Byd Eang Sefydliad Iechyd y Byd (WHO) o Ddinasoedd a Chymunedau Cyfeillgar i Oedran. Ymunodd Sir y Fflint â’r Rhwydwaith Byd-eang ym mis Mai 2023.

---

Like Minded

Mae’r Grŵp Like Minded yn cael ei gynnal gan y sefydliad cymunedol Outside Lives ac mae’n gysylltiedig â’r Prosiect Ymgysylltu a Grymuso Dementia cenedlaethol (DEEP).

Mae’r Grŵp Like Minded yn cyfarfod bob bore dydd Mercher yng Nghlwb Rygbi’r Wyddgrug.

Mae’r sesiwn ar gyfer pobl sy’n byw â dementia yn y camau cynnar i ganolig, a’u gofalwyr a bydd yn darparu awyrgylch cyfeillgar a chefnogol.   

---

Canu Er Lles Yr Yrmennydd

Mae Canu Er Lles yr Ymennydd yn grŵp canu cyfeillgar ac anffurfiol a’i nod yw sicrhau fod pobl sy’n byw â dementia yn parhau i ymgysylltu a chadw mewn cysylltiad. Caiff y grŵp ei gynnal gan Home Instead ar y cyd â Chymdeithas Alzheimer’s a Grŵp sy’n Deall Dementia yr Wyddgrug. 

Mae’r sesiynau’n para tua 1 awr 30 munud ac maen nhw’n cael eu cynnal ar hyn o bryd yn Llyfrgell yr Wyddgrug ar drydydd dydd Iau’r mis.

I gael rhagor o wybodaeth neu i gadw eich lle, cysylltwch â Heather Collin ar 01978 660423 neu anfonwch ebost at community@northwales.homeinstead.co.uk

---

Sesiynau Canu yn Nhreffynnon

Mae’r sesiwn yn dod â phobl at ei gilydd i gael cyfle i ganu eu hoff ganeuon, ac mae adloniant cerddorol yn cael ei ddarparu’n aml gan grwpiau cerdd a chorau lleol.

Mae’r grŵp canu hwn wedi’i drefnu gan grŵp Age & Dementia Friendly Holywell ac mae’n cyfarfod ar ail ddydd Gwener pob mis yn Eglwys Sant Pedr, Rosehill, Treffynnon (10am - 12pm). 

Darganfyddwch gyfeiriad, caffi cof, sefydliad, busnes neu ysgol sy’n Gyfeillgar i Ddementia drwy ddefnyddio’r Map Rhyngweithiol o Leoliadau sy’n Gyfeillgar i Ddementia.

• Map
• Canllaw
• Canllaw Map Rhyngweithiol

Theatr Clwyd - Sioeau Hamddenol

Mae ein Perfformiadau Hamddenol ar gyfer oedolion a phlant Awtistig, gyda chlefyd Alzheimer, Dementia, Anableddau Dysgu ac Anhwylder Synhwyrau a Chyfathrebu.

Ceir y perfformiadau hyn eu addasu i wneud y profiad yn llai o straen ac yn fwy pleserus.

Fel arfer, bydd y newidiadau yn cynnwys: goleuadau’r tŷ ddim mor isel a’r arfer, sain ddim mor uchel, cael gwared o rai o’r effeithiau arbennig, rhai newidiadau i’r sgript, dim lleihau’r nifer o fynd a dwad yn ystod y perfformiad, ardal/ystafell penodol i ymlacio.

Ffôn: 01352 344101

E-bost: box.office@theatrclwyd.com

Syd's Place

Mae’r Syd's Place, Canolfan Atti yn y Fflint ar agor i unrhyw un sydd wedi cael diagnosis o ddementia cynnar, ac mae’n cynorthwyo pobl i gael rhaglen ystyrlon ac amrywiol o weithgareddau a theithiau allan, a chyfleoedd i anelu at hyrwyddo a chynnal annibyniaeth a sgiliau.

Mae pobl hefyd yn elwa o gyswllt cymdeithasol a chymorth emosiynol drwy fod gyda phobl sydd mewn sefyllfaoedd tebyg iddyn nhw.

I gael rhagor o wybodaeth, ffoniwch Syd's Place ar 01352 732982. 

---

NEWCIS -Pontio'r Bwlch

Lansiwyd Cynllun Seibiant Pontio'r Bwlch ym mis Ebrill 2013 i roi dewis i ofalwyr ynglŷn â phwy allai ddarparu gofal iddynt ar amser a diwrnod yr oeddent ei angen. 

Roedd y cynllun hefyd yn darparu ar gyfer adegau brys ac yn caniatáu agwedd hyblyg a chyflym tuag at ddarparu gwasanaeth pan fo gofalwyr ei angen fwyaf. 

Protocol Herbert

Mae Protocol Herbert yn ffurflen y gall gofalwyr, teulu neu ffrindiau person agored i niwed, neu'r person ei hun ei llenwi. Mae'r ffurflen ar gyfer person sydd mewn perygl o fynd ar goll. Mae’n cynnwys rhestr o wybodaeth i helpu’r heddlu os yw’r person yn mynd ar goll, gan gynnwys:

• meddyginiaeth sydd ei angen
• rhifau ffôn symudol
• lleoedd a leolwyd yn flaenorol
• ffotograff diweddar

Mae cadw ffurflen wedi'i chwblhau yn arbed y pryder o geisio cofio'r wybodaeth yn ystod y cyfnod anodd pan fydd rhywun yn mynd ar goll. Mae hefyd yn arbed amser i'r heddlu, gan ganiatáu i'r chwilio ddechrau'n gynt.

---

Wardeniaid Cymdogaeth

Mae'r Wardeniaid yn darparu ac yn gosod offer gwella diogelwch i drigolion Sir y Fflint sydd wedi dioddef trosedd neu sy’n cael eu hystyried yn ‘ddiamddiffyn’.  Maen nhw hefyd yn ymweld â thrigolion ar gais i ddarparu sicrwydd a chyngor ar ddiogelwch. Gellir atgyfeirio pobl at y gwasanaeth hwn yn uniongyrchol drwy’r Wardeniaid neu drwy Gwarchod y Gymdogaeth.

I wneud atgyfeiriadau cyffredinol mewn perthynas â gwella diogelwch, paent atal fandaliaeth, marcio beics a phatrolau ffoniwch 01352 701818.

---

Safonau Masnach

Cyngor ar eich hawliau fel defnyddiwr, osgoi sgamiau a throseddau stepen y drws, diogelwch cynhyrchion a benthyca arian. 

Bathodyn Glas

Nod Cynllun y Bathodyn Glas yn helpu pobl sydd wedi’u cofrestru’n ddall, neu sy’n ei chael yn anodd cerdded, i barcio’n agos at y cyfleusterau a’r gwasanaethau y maent am eu defnyddio.

Mae hyn yn gwneud eu bywydau’n haws, yn eu helpu i fyw’n fwy annibynnol ac yn rhoi mwy o ddewis iddynt.

---

Teithio Cymunedol Sir y Fflint

I ategu darpariaeth cludiant cyhoeddus, mae nifer o wasanaethau teithio cymunedol a gwirfoddol yn Sir y Fflint, yn cynnwys:

Gwasanaeth Ffonio a Theithio Sir y Fflint

Gwasanaeth drws i ddrws yw hwn yn defnyddio ceir neu fysiau mini. Mae’r gwasanaeth ar gyfer unigolion sydd angen teithio i'w meddygfa neu i apwyntiadau eraill yn ymwneud ag iechyd (e.e. deintydd/optegydd) ac nad ydynt un ai yn gallu defnyddio neu gael mynediad i wasanaethau cludiant prif ffrwd, neu'n ei chael yn anodd i wneud hynny.

I wneud cais i fod yn aelod o’r Gwasanaeth Ffonio a Theithio Cymunedol, cysylltwch â’n Canolfan Gyswllt Strydwedd:

Ffôn: 01352 701234 (rhwng 08.30 tan 17.00 dydd Llun- dydd Gwener)

Gwasanaethau Fflecsi yn Nhreffynnon a Bwcle

Mae Fflecsi yn fath newydd o wasanaeth bws er mwyn gallu crwydro o gwmpas Bwcle, Treffynnon a’r pentrefi cyfagos.

Mae’r gwasanaeth ar gael i bawb ac mae 3 dewis archebu i drefnu eich siwrnai. Gallwch chi ddefnyddio’r ap, archebu ar-lein neu ffonio ar 0300 242 0300 a byddan nhw’n eich helpu chi i drefnu siwrnai.

Taflen Fflecsi Treffynnon

Taflen Fflecsi Bwcle

---

Gwasanaethau Teithio Lleol Eraill

• Pentrefi Alun i’r Wyddgrug (LT7)
• Cynllun Ceir Gwirfoddol yr Aber
• Trafnidiaeth Gymunedol y Gororau  

Am ragor o wybodaeth, gweler y dudalen Cludiant Cymunedol ar Wefan Cyngor Sir y Fflint.

Gostyngiadau Treth y Cyngor 

Gellir dyfarnu gostyngiadau Treth y Cyngor i drethdalwyr sy'n byw â dementia. I gael gwybod os ydych yn gymwys, cysylltwch â’r Tîm Budd-Daliadau ar 01352 704848 neu anfonwch e-bost at: benefits@siryfflint.gov.uk

Fel arall, ewch i Sir y Fflint yn Cysylltu.  

Cymhwysedd ac Amodau

Os ydych chi’n hen neu’n anabl neu’n dioddef o gyflwr meddygol ac yn ei chael hi’n anodd mynd â’ch biniau/ailgylchu at garreg y drws, gallwch wneud cais am gymorth (gelwir hyn yn gasgliad a gynorthwyir).  Gall ein criw gasglu biniau a chynwysyddion o leoliad ar eich eiddo a gytunwyd arno o flaen llaw, eu gwagio nhw a’u dychwelyd i’r un lle.  

Mae’r casgliadau hyn ar gael i drigolion sydd ag angen gwirioneddol yn unig, lle nad oes unigolyn abl-gorfforol yn byw yn y cyfeiriad a allai fynd â’r biniau neu’r cynwysyddion at garreg y drws i’w casglu.  

Ffoniwch Strydwedd ar 01352 701234 neu anfonwch e-bost at: streetscene@siryfflint.gov.uk

Fel arall, ewch i Sir y Fflint yn Cysylltu.